வேதாரண்யம் தகட்டூர் ஊதாவெட்டிகுளத்தில் மண்டி கிடக்கும் ஆகாய தாமரைகளை அகற்ற வேண்டும்

வேதாரண்யம் தகட்டூரில் உள்ள ஊதாவெட்டி குளத்தில் ஆகாய தாமரை மண்டி கிடக்கிறது. இதை உடனே அகற்ற வேண்டும் என்று பொதுமக்கள் கோரிக்கை விடுத்துள்ளனர். 

வேதாரண்யம் தாலுகா தகட்டூர் கடைத்தெருவில் ஊத்தாவெட்டிகுளம் உள்ளது. இக்குளம் சுமார் ஒரு ஏக்கர் பரப்பளவில் அமைந்துள்ளது. இந்தகுளம் அப்பகுதியில் உள்ள மக்களுக்கும் அருகில் உள்ள வர்த்தகர்களுக்கும் பயன்பட்டு வந்தது. இந்தகுளம் தூர்வாரப்படாமல் ஆகாயத்தாமரை மண்டியும் பிளாஸ்டிக் கழிவுகள் கொட்டியும் தற்போது தூர்ந்து காணப்படுகிறது. மேலும் குளம் தற்போது ஆக்கிரமிப்பிலும் உள்ளது. 

குளம் தூர்வாரப்படாமல் ஆகாயத்தாமரை மற்றும் பிளாஸ்டிக் குப்பைகளால் துர்நாற்றம் வீசுகிறது. குளத்தில் குப்பைகள் கொட்டப்படுவதால் தொற்று நோய் பரவும் அபாயம் உள்ளது. எனவே பல ஆண்டுகளாக தூர்வராப்படாமல் உள்ள இந்த ஊத்தாவெட்டி குளத்தை தூர்வாரி ஆக்கிரமிப்புக்களை அகற்ற வேண்டும் என இப்பகுதி பொதுமக்களும், வர்த்தகர்களும் கோரிக்கை விடுத்துள்ளனர்.
பொதுமக்கள் கோரிக்கை
Continue Reading →

மாணவர்கள் இல்லாமல் மூடும் நிலைக்கு தள்ளப்பட்ட பள்ளியில் தற்போது 16 மாணவர்கள்

நாகை மாவட்டம், வேதாரண்யம் அருகே அரை நூற்றாண்டை கடந்த அரசுப் பள்ளி 2 ஆண்டுகளுக்கு முன்பு ஒரு மாணவர்கூட இல்லாத நிலையில், மூடும் நிலைக்கு தள்ளப்பட்டது.

ஆனால், பல்வேறு தரப்பினர் முயற்சியால் தற்போது 3 ஆசிரியர்கள், 16 மாணவர்களுடன் செயல்படும் இந்த பள்ளிக்கு வகுப்பறை கட்டடம் கட்டித் தரவேண்டும் என்று பொதுமக்கள் வலியுறுத்தியுள்ளனர். 

அரசுப் பள்ளிகளில் கடந்த சில ஆண்டுகளாகவே மாணவர்கள் எண்ணிக்கை பல்வேறு காரணங்களால் கேள்விக்குறியாகி வருகிறது. அந்த வகையில், 7.6.1962-ல் தொடங்கப்பட்ட தகட்டூர் ஊராட்சி, ராமகோவிந்தன்காடு ஊராட்சி ஒன்றியத் தொடக்கப்பள்ளி ஒரு மாணவர்கூட இல்லாமல் மூடும் நிலைக்கு தள்ளப்பட்டது.


நுற்றுக்கணக்கான மாணவர்கள் கல்வி பயின்று வெளியேறிய இப்பள்ளியில், கடந்த 2013 ஜூன் மாதம் 4 மாணவர்கள் பயின்று வந்த நிலையில், ஜூலை மாதத்தில் ஒருவர்கூட இல்லை. அங்கு பணியாற்றிய 2 ஆசிரியர்கள், சத்துணவு பணியாளர் வேறு பள்ளிகளுக்கு மாற்றப்பட்டு, பள்ளி செயல்பாடு முடங்கியது.


பள்ளியை மூடுவது தொடர்பாக முறையான உத்தரவுக்காக காத்திருந்த நேரத்தில், சமூக ஆர்வலர்கள் உதவியோடு பள்ளியை மீண்டும் செயல்படுத்துவதற்கான முயற்சிகள் மேற்கொள்ளப்பட்டன.


இதையடுத்து, க. சுப்பிரமணியன் என்ற ஆசிரியர் பணியமர்த்தப்பட்டு அஸ்வின்குமார் என்ற மாணவர் சேர்க்கையுடன் பள்ளி செயல்பட தொடங்கியது.


தற்போது, 7 மாணவிகள் உள்பட மொத்தம் 16 பேர் படிக்கின்றனர் (முதல் வகுப்பில்-4, 2-ல் 5, 3ஆம் வகுப்பில் 3, 4-ல் 3, 5 ஆம் வகுப்பில் ஒருவர்) இதுதவிர சேர்க்கையில்லாமல் 4 சிறுவர்களும் படிக்கின்றனர்.


தலைமையாசிரியர் மு. மஞ்சுளா, பெற்றோர் ஆசிரியர் கழகம் சார்பில் துர்கா என்ற ஆசிரியர், சத்துணவு பணியாளர்களும் பணியாற்றுகின்றனர். அரசு அளிக்கும் சீருடை, புத்தகப் பை தவிர டை, அடையாள அட்டை அணிதல் போன்ற ஆங்கில வழிக்கல்வி கூடங்களில் இருப்பதை போன்ற நடைமுறை பின்பற்றப்படுகிறது. இவைகளுக்கு ஊராட்சித் தலைவர் உள்ளிட்ட சமூக ஆர்வலர்கள் உதவி வருகின்றனர்.


வகுப்பறை கட்டடம் தேவை:


இதுகுறித்து பெற்றோர் ஆசிரியர் கழகத் தலைவர் கோ. விஜயகுமார்,ஊராட்சித் தலைவர் எம்.எஸ். அமிர்தகடேசன் ஆகியோர் கூறியது:


பள்ளி வகுப்பறை பழைய ஓட்டுக் கட்டடமாக இருப்பதால் மழை பெய்யும்போது மாணவர்கள் சிரமத்துக்குள்ளாக நேரிடுகிறது. பள்ளிக்கு 2 வகுப்பறைகளுடன் கூடிய கட்டடம் கட்டித் தர அரசு முன்வர வேண்டும் என்றனர்.
Continue Reading →

வேதாரண்யம் அருகே மதுபானத்தில் பல்லி

வேதாரண்யம் தாலுகாவில் 29 அரசு மதுபான கடைகள் உள்ளன. இதில் தோப்புத்துறையில் உள்ள அரசு மதுபான கடையில் வேதாரண்யம் தாலுகா புஷ்பவனத்தை சேர்ந்த முரளிராஜன் என்பவர் 2 குவாட்டர் பாட்டில்களை வாங்கி உள்ளார். 
Continue Reading →

1 மாணவருக்கு 2 ஆசிரியர் மூடப்பட்ட கோவிந்தன்காடு நடுநிலைப்பள்ளி

நாகப்பட்டினம் மாவட்டம் வேதாரண்யம் அருகே கோவிந்தன்காடு ஊராட்சி ஒன்றிய நடுநிலைப்பள்ளி கடந்த 52 ஆண்டுகளாக செயல்பட்டு வந்தது. 5 ஆம் வகுப்பு வரை உள்ள இப்பள்ளியில் 2 ஆசிரியர்கள் பணியாற்றிவந்தனர். அரசின் வசதிகள் இப்பள்ளிக்கு கிடைத்தாலும் மாணவர்களின் எண்ணிக்கை மட்டும் குறைந்துகொண்டே வந்தது. கடந்த கல்வி ஆண்டில் 5 ஆம் வகுப்பில் 3 மாணவர்களும் , 2 ஆம் வகுப்பில் 1 மாணவரும் படித்து வந்தனர். 
Continue Reading →

Google+ Followers

Powered by Blogger.

Social Icons

Followers

Featured Posts